Asteburuan dantzazaleentzat bi hitzordu izango dira Sanagustin kulturgunean. Larunbatean, 21:00etatik aurrera, Elvis Caino DJaren eskutik, musika dantzagarriaz gozatu ahal izango dute herritarrek.
Igandean, berriz, dantzaleku bilakatuko da kulturgunea, Sanagustin Dantzaleku egitasmoarekin. 18:00etatik aurrera, gorputza mugimenduan jartzeko parada izango da, besteren artean, salsa eta bachata doinuekin.