Belgikako euskal gazte komunitateak ere Euskararen Eguna ospatu zuen joan den larunbatean, azaroak 30, Bruselako Euskal Etxean. Egun osoko festa izan zuten diasporan, euskal kultura hedatzeko; besteak beste kantujira, karaokea eta bertso bazkaria egin zituzten. Bertsotan Naia Arrizabalaga bertsolari azkoitiarra eta Iker Letamendia bertsolari azpeitiarra aritu ziren, eta dozenaka lagun bildu ziren ekitaldiaren bueltan.
