Azpeitia Guka gaur hasi da 2025eko Irudhitzen egutegia banatzen. Bazkideek gaur edo bihar jasoko dute egutegia abenduko aldizkariarekin batera, guztiz doan, eta egutegia etxean jasotzen ez duten herritarrek bost euroren trukean erosteko aukera izango dute, Azpeitia Gukaren bulegoan (Soreasuko Dinamoa sormen gunea) edota Antzelus kioskoan (Plaza Txikia).
Aurtengo Irudhitzen egutegiko irudiekin eta testuekin erakusketa osatuko du Azpeitia Gukak. Erakusketa abenduaren 12an zabalduko da, 18:00etan, eta abenduaren 20ra arte egongo da ikusgai. Gainera, erakusketaren irekierarekin batera, aurtengo testuen eta irudien ataletako irabazleei sariak banatuko zaizkie.
Oharra: inprenta arazoak tarteko, baliteke egutegiren bat gaizki inprimatuta egotea. Hala gertatuz gero, bazkideak Azpeitia Gukaren bulegotik pasa daitezke edo mezua bidali bazkide@ukt.eus posta elektronikora, eta egutegi zuzena jasoko dute.