Azpeitiko kiroldegiko beirateetako bat hautsi da gaur, zapatua. Lekukoek Gukari azaldu diotenez, "haize bolada gogor batek" eraitsi du kiroldegiko tabernaren aldeko sarrera-irteerako atearen gaineko beiratea. 13:50 inguruan jazo da gertaera, eta ez du inor azpian harrapatu, nahiz eta "hainbat gazte inguruan" zeuden. Herritar horiek mugimendua sumatu eta gunetik aldentzea lortu dute.
Egoera hori konpondu bitartean, kiroldegiko taberna itxi egin dute, eta arduradunek bertan behera utzi dituzte gaur gauerako hitzartuta zituzten afariak.
