Imanol Ituiño magoak eta Ekain pailazoak zirku emanaldia eskainiko dute etzi, larunbata, Urrestillako Txikuri frontoian. 18:00etan hasiko da emanaldia, eta nahi duen orok izango du magia, malabareak eta umorea uztartuko dituen saioaz gozatzeko aukera.
Ondoren, sabela betetzeko tartea ere izango dute urrestildarrek. Izan ere, ohiturari segituz, gaztain erre jana egingo dute, 19:00etan, plazan.