Azpeitiko Ekoetxeak familiei zuzendutako hainbat ekintza antolatu ditu Gabonetarako, eta horietako bitan eman daiteke izena. Hain zuzen, klima aldaketa ardatz duen TerminUs ihes gela egingo dute abenduaren 22an, 23an, 26an, 27an eta 28an zein urtarrilaren 2an eta 3an. 4 urtetik gorakoei zuzendutako ekintza izango da, eta gehienez zortzi lagunek parte hartu dezakete txanda bakoitzean. Saio horietan parte hartzeko, hemen eman daiteke izena.
Bestalde, Azpeitiko Ekoetxea banaka edo taldeka ezagutzeko aukera izango dute familiek pistak jarraituz. Ekintza hori abenduaren 22an, 23an, 27an, 28an eta 29an zein urtarrilaren 2tik 4ra artean egingo dute, eta parte hartzaileek, jolasaren bidez, zentroaren barrualdea eta kanpoaldea arakatuko dute, pistak bilatu eta galderak erantzuten dituzten bitartean. 7 urtetik gorako umeek eta beren familiek parte har dezakete Ekoetxea Azpeitia ezagutzen egitasmoan, eta horretarako ere aurrez eman behar da izena, hemen.