Urola Erdiko Itaiak mobilizazioa egin du gaur, Urtezahar egunez, "eskualdean, eta oro har, Euskal Herrian jazotako eraso matxista guztiak salatzeko eta indarkeria matxistaren aurkako deia zabaltzeko". Hain zuzen ere, kale bira egin dute, 18:30ean Azpeitiko plazatik abiatuta. Plazatik Perez Arregi plazara joan dira, Elizkaletik, eta, ondoren, Erdikaletik plazara itzuli dira. Amaieran, testu bat irakurri dute bildutako herritarren aurrean, eta ozen zabaldu dute indarkeria matxistaren aurkako aldarria.