Argazkiak jasotzea hausnarketa ekintza baten gisan bizi du Egoitz Arrutik. Sarri izaten ditu bere argazkigintzak eragindako gatazkak: "Barneko korapilo horiek, gehienetan, bizi dugun irudien gaindosiaren eta kontsumoaren ondorioz izaten ditut". Haren nahia ikuspegi aldaketa eragitea da, eta, horretarako, argiari ikuspuntu desberdinetatik begiratzen saiatzen da. "Iluntasun handiko edo zorroztasun gutxiko argazkiak nahita egitea, eta akatsak menperatzea atsegin dut; izan ere, horiekin, naturari ateratako argazkien bidez, ikusleari edertasunaren miresmen soiletik haratagoko beste sentimendu eta kezka batzuk sortzea posible dela iruditzen zait". Instagrameko @olazubia kontuan biltzen ditu argazkiak Arrutik, eta Azpeitia Gukaren aldizkariaren urtarrileko Klik! atalera ere ekarri ditu.
Iluntasunak zenbait elementu ezkutatzen ditu.
Beste behin, gaitza ilunak ezkutatzen digu.
Argia eta berdea, giro atsegina, alaia eta itxaropentsua, baina...
...baina, edozein unetan, eroitzeraino irauli daiteke.
Zuhaitzen arteko laztanak, berriketak eta keinuak.
Soila, xumea, eta, era berean, sakona, amaierarik ba ote duen jakitea ezinezkoa dena.
Zertzeladak kamerarekin.