Urrestillako bi puntutan sua piztu da goizaldean, 04:30 aldean. Ertzaintzak Azpeitia Gukari jakinarazi dionez, Txikuri frontoiaren inguruan lau edukiontzi erre dira, eta ibilgailu bat ere bai, Zerralde kalean –pilotalekutik gertu–. Suhiltzaileek itzali dituzte suak, eta Ertzaintzak ikerketa abiatu du horiek zerk eragin dituen aztertzeko.
Ordezko edukiontziak ere jarri dituzte, behin-behinean, frontoiaren frontisaren pareta atzeko aparkalekuetan.