Ekindarreko bazkideak hausnarketa estrategikoa ari dira gauzatzen azken hilabeteetan. Hain zuzen ere, joan zen azaroaren 26an egin zuten 50 bat lagunek Plagintza Estrategikoaren barruko lehen bilera, Azoka Plazako lehen solairuko aretoan.
Urrestillako eguzki plaken instalazioa martxan jarrita, aurrera begirako xedeez-eta aritu ziren solasean. Ekindarreko Kontseiluko ordezkariek gauzatutako zirriborro baten gainean jardun zuten hizketan. Besteren artean, Ekindar zer den eta zer lortu nahi duen, jorratu beharreko ildoak zeintzuk diren eta asmoak nahiz helburuak proposatu zituzten.
Hausnarketa estrategikoaren barruan, baina, bigarren saio bat ere egingo dute: datorren asteartean, urtarrilaren 28an, izango da, 18:00etan, Azoka Plazako aretoan. Ekindarrek landu beharreko proiektuak izango dituzte aztergai batzarrean. Kooperatibako bazkide guztientzako irekia izango da hitzordua.