Eskola kiroleko Gipuzkoako Paleta Txapelketako finalak jokatu zituzten joan den asteburuan Betharrametako frontoian. Orotara, kimu mailako kirolarien bi partida izan ziren. Aurrena, Oiartzungo Arbelaitz, Lerma eta Inciarte Zumaiako Argoitiaren, Tejeraren eta Garciaren kontra aritu ziren. Zumaiako taldea nagusitu zen.
Ondoren, etxekoen txanda izan zen; izan ere, Ilunpeko Eskudero, Aizpuru eta Iriarte Aranbarriren eta Aristondoren aurka aritu ziren nor baino nor. Eskuderok, Aizpuruk eta Iriartek jantzi zuten txapela, partida 25 eta 21 irabazita.