Otsaileko ohiko udalbatzarra asteartean, otsailak 4, egingo dute udal hautetsiek, ohi bezala, 19:00etan hasita. Besteak beste, Azpeitiko Udaleko lanpostu zerrenda landuko dute.
Hona hemen astearteko udalbatzarreko gai zerrenda:
- Udalbatzak 2025eko urtarrilaren 14an egindako akta onartzea.
- Udalaren lanpostu zerrenda aldatzea.
- Azpeitiko Udaleko Udaltzaingoaren zerbitzuko agente plaza bat betetzeko hautaketa prozedura Zumaiako Udalaren gain uztea, kudeaketa gomendio bidez.
- Nuarbe auzoko 15 zenbakiaren azpian dagoen 123 metro koadroko lokala Nuarbeko Ibai Eder auzo elkarteari uztea.
- Alkatetzak 2024ko abenduan emandako ebazpenen berri ematea.
- Galdera eta erreguak.