Ekain Ibarguren pailazoak Arlote bat ikuskizuna eskainiko du igandean, Soreasu antzokian, 17:00etan hasita. 5 urtetik gorako umeei zuzendutako saioan umorea, malabareak eta jolasak uztartuko ditu artista azpeitiarrak. Oraindik ere eskura daitezke emanaldirako sarrerak Kulturaz kooperatibaren webgunean, zazpi eurotan.
Joan zen abenduan aurkeztu zuen Ekain pailazoak Arlote bat ikuskizuna jendaurrean. Zestoan egin zuen lehen emanaldi hura, hainbat haurren aurrean. Honako lotura honetan ikus eta irakur daiteke estreinaldiaren atarian Ibargureni Gukak egindako elkarrizketa.