Urolakoen Nafar Zuzterrak (UNZ) taldeak antolatuta, Gipuzkoako armarriaz solasaldia eskainiko du bihar Patxi Olabarriak. Sinboloek argitzen edo ezkutatzen dutena izango du hark hizpide, 19:00etatik aurrera, Azoka Plazako lehen solairuko aretoan.
Olabarriaren hitzaldia ez da, baina, UNZek datozen asteetarako antolatu duen hitzaldi bakarra. Martxoaren 12an, esaterako, Eneko Bidegainek Kepa Anabitarteri buruz idatzi duen liburua aurkeztuko du jendaurrean; eta martxoaren 26an sorgin ehizaz ariko da solasean Asisko Urmeneta.