Gipuzkoako armarriaz-eta hainbat azalpen eman zituen atzo, asteazkenez, Patxi Olabarriak. Urolakoen Nafar Zuzterrak taldeak antolatuta, Gipuzkoako armarria-Sinboloak: argitu edo ezkutatzen dutena izenburupean aritu zen antzuolarra solasean, dozenatik gora lagunen aurrean.
Olabarriaren hitzaldiaren ondotik, beste bi hitzordu prest ditu Urolakoen Nafar Zuzterrakek: martxoaren 12an, Eneko Bidegainek Kepa Anabitarteri buruz idatzi duen liburua aurkeztuko du jendaurrean; eta martxoaren 26an sorgin ehizaz ariko da solasean Asisko Urmeneta. Bi hitzordu horiek ere Azoka Plazako lehen solairuko aretoan izango dira, 19:00etan.