Salbe auzoa berrurbanizatzeko lanak laster hasiko ditu Azpeitiko Udalak, eta erakundeak bizilagunekin bilera egingo du, proiektuaren xehetasunak azaltzeko eta auzotarren ekarpenak jasotzeko. Martxoaren 5ean, asteazkenez, izango da bilera, 19:00etan, Baigeraren Sanjuandegiko lokalean.
Udalak azaldu duenez, besteak beste, auzoaren irisgarritasuna hobetzea da lanen helburua. Batez ere, Salbeko 14, 15, 16, 17 eta 18 zenbakietako bizilagunei eragingo diete lanek, baina gaiarekiko interesa duen orok izango du bileran parte hartzeko aukera.
Lanak Art eraikuntza enpresak egingo ditu, eta aurreikuspenen arabera, horiek bost hilabeteko epean bukatuko dituzte.