Martxoaren 8arekin bat egin dute herriko ikastetxeetan

Martxoaren 8a izango da bihar, Emakumeen Nazioarteko Eguna, eta biharko egunez haurrak eta gaztetxoak ikastetxeetara joango ez direnez, gaur, ostiralez, ospatu dute egun hori. Emakumeen eta gizonen arteko berdintasuna aldarrikatzeko baliatu dute gaurko eguna, eta askotariko marrazkiak, kartelak, eskulanak eta abar egin dituzte Ikasberri ikastolan, Karmelo Etxegarai ikastolan eta Iraurgi ikastetxean. Ekintza horien helburuak Martxoaren 8ak dakartzan aldarrikapenen inguruan hausnarketa egitea eta sentsibilizazioa bultzatzea izan dira.