Musika zaleek bi hitzordu izango dituzte asteburuan Sanagustin kulturgunean: ostiralean punk-oi doinuak entzun ahal izango dira, eta zapatuan, berriz, post-hardcore eta post-rock doinuak.
Ostiralean Cockney Reject, Orreaga 778 eta Aggressive Combat taldeak izango dira kulturguneko agertokian. 21:30ean hasiko dira emanaldiak, eta sarrerak 21 eurotan eskura daitezke, Kulturazen webgunean.
Larunbatean, berriz, Aitzealdenk egitasmoaren barruan, Viva Belgrado eta Naxker taldeen kontzertuak izango dira, 22:00etan hasita. Sarrerak oraindik ere eros daitezke honako lotura honetan, hamabost eurotan.