Iruñeko Labrit pilotalekuan jokatuko duten B Serieseko finalean izango da Julen Egiguren Egiguren V.a. Han jokatuko du, Bikuñarekin batera, B serieko finala, Salaberriaren eta Gaskueren kontra. Larunbatean izango da hitzordua, 17:15ean hasita.
Aspeko bikoteak atzo Idiazabalgo Igarondo frontoian irabazi ondotik lortu du finalerako txartela. 22-21 emaitzarekin gailendu ziren Egiruren eta Bikuña Zubizarreta III.aren eta Morgaetxebarriaren aurka, ordu eta laurden iraun zuen partida irabazita. Emaitza estua izan zen arren, aurkarien akatsek (17, guztira) lagundu zieten Aspekoei partida irabazten.