Bertsio Gaua izan zen larunbatean Azpeitiko Gaztetxean, eta hainbat izan ziren musika taldeen eta bestelakoen moldaketak egitera animatu ziren gazteak. Gaztetxeko kideek azaldu dutenez, sei taldek parte hartu zuten Bertsio Gauean, eta horiek hainbat abesti eskaini zituzten, batzuk binaka, besteak hirunaka eta beste hainbatek taldean. Besteak beste, flamenkoa, metal musika, bertsoak eta musika elektronikoa entzuteko aukera izan zuten bertaratu zirenek.
Bertsio Gaueko emanaldiak amaituta, nahi zuen ororentzat ireki zuten mikrofonoa, eta hainbat izan ziren abestera animatu zirenak.
(Argazkiak: Azpeitiko Gaztetxea)