Azkoitia-Azpeitia maratoi erdia dela eta, larunbat arratsaldean aldaketak izango dira herriko autobus geltokietan. Hain zuzen ere, anbulatorioaren aurreko, Julian Elorza kaleko, Loiolako, Burdinbidearen Euskal Museoaren ondoko eta Sanjuandegiko geltokiak bertan behera izango dira 15:00etatik 19:30era bitartean.
Geltoki horiek honako geltoki hauekin ordezkatuko dituzte: suhiltzaileen parkearen aurrekoa, Enparan Gain ondokoa eta Loiolako tren geltokiaren aurrekoa izango dira erabilgarri ordu tarte horretan. Goizean eta lasterketa bukatzean, lehengora itzuliko dira autobus geltokiak.