Haize handiagatik abisu horia indarrean dago, 15:00ak arte. Batik bat goiz parterako iragarri ditu haize bolada handiak Euskalmetek, eta badaezpadako neurri gisa, Udaltzaingoak oinezkoentzako itxi egin ditu Loiolako lorategiak, egoeraren berri emanez.
Era berean, ahal den heinean, zuhaitz handiak dauden tokiak saihesteko deia egin du Udaltzaingoak, "bolada gogorrekin" ari delako jotzen haizea. Momentuz, 15:00ak arte dago indarrean abisu horia.
Sistiaga Errekan eta Odria auzoan haizeak botatako zuhaitzak direla-eta errepideak itxita egon dira. Sistiagakoa itxita dago oraindik, baina Odriakoa ireki dute.