Euskal Herriko XVI. Mus Txapelketaren final nagusia jokatuko du Dani Garcia azpeitiarrak. Atzo, zazpi herrialdeetako finalak jokatu zituzten, eta azpeitiarrak Bizkaiko finala irabazi zuen, Unai Gorriti getxoztarrarekin bikotea osatuta. Horrenbestez, Bizkaiko txapelak jantzita, apirilaren 5ean Arabako Gopegi herrian jokatuko den final nagusia jokatzeko txartela lortu dute Garciak eta Gorritik.
Guztira, 2.500dik gora bikotek eman dute izena aurtengo Euskal Herriko txapelketan lehiatzeko. Bizkaian, 120 bikotek parte hartu dute herrialdeko lehian; horietatik 28k jokatu zuten finala atzo, Elorrioko Bikale tabernan, eta lehendabiziko hamarrak sailkatu dira final nagusirako. Final nagusian, zazpi herrialdeetako 128 bikote ariko dira lehian.