Euskelelea, izen bereko musika instrumentuaren sortzaile Enrique Solinisek Juan Kruz Igerabiderekin sortutako ipuin musikatua taularatu dute gaur arratsaldean Soreasu antzokian Euskal Barrok Ensemble musika taldekoek, Juan Antxieta musika eskolako abesbatzarekin eta Luix Beltzaren dantza eskolako ikasleekin batera.
Ikus-entzule ugarik gozatu dute ikuskizunaz, baita parte hartu ere, oholtzakoak ez ezik, ikus-entzuleak ere dantzan eta kantuan jarri baitituzte musikariek, Lurretik zeruraino edota Aldapeko-rekin. Ordubete eskas iraun duen ikuskizunaz gozatu dute denek ere, oholtza gainekoek zein eserlekuetakoek.