Igandean eta astelehenean Anora eta Polican filmak emango dituzte Soreasu antzokian. Igande arratsaldean, 16:30ean, umeei zuzendutako Polican animaziozko filma ikusi ahal izango da, eta 19:00etan, berriz, Anora. Astelehenean ere emango dute Anora, 21:00etan hasita. Emanaldietarako sarrerak Kulturaz kooperatibaren webgunean eskuratu ahal izango dira aurrez, eta emanaldien aurretik Soreasu antzokiko leihatilan ere bai.
Peter Hastingsek AEBetan egindako filma da Polican, eta honako hau da haren sinopsia: "Polizia txakur leial bat eta haren giza agentea larri zauritzen dira beren eginbeharra betetzen duten bitartean, eta operazio burugabe baten bidez bakarrik salba daitezke. Operazio horretan, biek bat egiten dute, eta Polican bihurtzen dira".
Anora ere AEBtan egindako filma da, Sean Bakerrek zuzendua eta drama generokoa. Honako hau da lan horren sinopsia: "Anora Brooklyngo sexu langile gazteak aukera izango du Errauskine ipuina egia bihurtzeko; izan ere, oligarka baten semea ezagutu eta harekin ezkonduko da. Albistea Errusiara iristen denean, emakumearen amodiozko ipuina desagertzeko arriskuan egongo da, gurasoak New Yorkera joango baitira ezkontza baliogabetzera".