Gurpildun aulkiko lehenengo futbol topaketa egingo dute larunbatean

Maddi Txintxurreta 2025ko api. 3a, 08:57

'Powerchair Football'-eko partida bat. (Wikimedia Commons)

Gurpildun aulkian jokatzen den futboleko Gipuzkoako lehenengo taldea osatzeko erronka du Veronika Reyes azpeitiarrak, eta bide horretako lehen urratsa eman nahi du larunbatean, Powerchair Football-eko lehenengo topaketarekin.

Powerchair Football-eko lehenengo topaketa egingo dute larunbat honetan Azpeitiko kiroldegian, 16:00etatik 18:00etara. Gurpildun aulki monitorizatuetan jokatzen den futboleko modalitate horie ezagutzera ematea eta kirol inklusiboa bultzatzea da egitasmoaren helburua, antolatzaileek adierazi dutenez.

Gipuzkoa mailako talde bat sortzeko ahaleginean ari da Veronica Reyes azpeitiarra, Duchenneren giharretako distrofia duen Ireneren ama, eta helburu hori lortzeko urratsa ere izan asmo du larunbateko hitzorduak.

Reyesek jakitera eman duenez, dagoeneko zazpi pertsonak baino gehiagok adierazi dute topaketan parte hartzeko gogoa. Horietako askorentzat, gainera, kirol hori praktikatzeko lehen aukera izango da.

Azpeitia Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.


Izan Gukakide