Iraurgi ikastetxeko DBH2ko ikasleek bisita egin dute Azpeitia Gukaren erredakziora. Hiru talde izan ziren Dinamo sormen gunearen barruan kokatuta dagoen bulegoan gaur goizean.
Gai bat aukeratu, eta gai horren bueltako elkarrizketa, kronika, erreportaje, komiki eta abarrekin osatuta egunkari bat sortu dute ikasleek taldeka. Proiektu horri lotuta, Gukaren antolaketa, hedabideak eta lan egiteko modua ezagutzera joan dira Azpeitia Gukara. Galdera batzuk prestatuta eraman dituzte, eta beste batzuk bat-batean egin dituzte.