Igande honetan, apirilaren 6an, 400 pertsonatik gora bilduko dira Loiolako santutegian. Izan ere, Donostiako Elizbarrutiaren Etorkinen Pastoraltzak antolatuta jubileu urteko garizumako erretiroa egingo dute, Harengan gure itxaropena lelo hartuta.
Ekitaldia antolatu dutenek azaldutakoaren arabera, Gipuzkoa osotik joango da jendea igandean Loiolara, eta bertan egingo duten jardunaldiaren buru Mikel Aranguren Donostiako Elizbarrutiko bikario nagusia izango da. Goizean hasi eta arratsaldera bitartean hainbat ekitaldi egingo dituzte jardunaldiaren parte hartzaileek: meza, lagunarteko bazkaria eta abar.