Azken asteotan ostiralero egin duten moduan, atzo ere, Karmelo Etxegaraiko hezkuntza komuitateak deituta, kalitatezko eskola publikoaren alde elkarretaratzeak egin zituzten bi eraikinetako jolastokietan. Steilas, LAB, ELA eta CCOO sindikatuek deituta, hainbat lanuzte egin dituzte ikasturtea hasi zenetik; urrutira joan gabe, azken bi asteotan, bost. Greba horien helburua da presioa egitea Eusko Jaurlaritzak ondoko aldarrikapenak aintzat har ditzan: lan zamak arintzeko neurri zehatzak hartzea, erretiroa hartzeko baldintzak hobetzea, plantillen gazte berritze plana berritzea, galdutako erosahalmena berreskuratzea eta ikastetxe publikoen fusioen eta itxieren aurrean enplegu publikoa bermatzea.
