Santa Engraziko eguna izango da datorren igandean, apirilaren 13an, eta azken urteetako gisan, Lagun Onak mendi bazkunak haurrei eta gaztetxoei zuzendutako goiz pasa antolatu du.
Azpeititik oinez edo autobusez joan ahal izango dute herritarrek Aizarnako mendira; 09:00etan jarri dute denentzat hitzordua anbulatorioaren aurrean. Behin Santa Engrazira iritsita, umeentzako jolasak egingo dituzte. Azpeitira autobusez itzuliko dira txangoan parte hartzen duten herritarrak, eguerdi partean.
Lagun Onak mendi bazkunaren webgunean eman beharko da irteerarako izena; bazkideek bost euro ordaindu beharko dute, eta gainerakoek, berriz, zortzi euro. Osteguna izango da izena emateko azken eguna.