Powechair football edo gurpil aulki gaineko futbol topaketa egin dute gaur arratsaldean Azpeitiko kiroldegian. Iruñetik, Beasaindik (Gipuzkoa) eta Donostiatik etorri dira jokalariak, eta Iren Reyes azpeitiarrak ere parte hartu du; 16:00etan hasita, bi orduz aritu dira jo eta su, hainbat herritar harmailetatik begira zituztela.
Gurpildun aulki monitorizatuetan jokatzen den futboleko modalitate hori ezagutzera ematea eta kirol inklusiboa bultzatzea izan dira egitasmoaren helburuak, eta baita Gipuzkoan talde bat sortzea ere. Ahaleginean horretan ari da Veronica Reyes azpeitiarra, Duchenneren giharretako distrofia duen Irenen ama.