Odola biltzeko beharra dagoela iragarri du Azpeitiko Odol Emaileen Elkarteak, eta etzi, asteazkenez, egingo dute odol ateraldia Elizkaleko Bizi Berri eraikinaren beheko solairuko lokalean.
Ohi bezala, 16:30etik 20:30era egingo dituzte ateraldiak Gipuzkoako Odol Emaileen Elkartekoek. Apirilean, gainera, bigarren hitzordu bat ere jarri dute odola eman ahal izateko: hilaren 30ean izango da.
Odola eman nahi dutenek aurrez txanda hartu beharko dute. Horretarako bi aukera daude: Gotatanta.eus webgunearen bidez edo 943-00 78 84 telefono zenbakira deituta.