Burdinbidearen Euskal Museoak Aste Santuan inauguratuko du lurrun trenaren aurtengo denboraldia, apirilaren 17tik 21ra egunean bi irteera eginez. Azpeitiko museotik Lasaoko geltokira egingo dituzte zirkulazio bereziak, 11:00etan eta 16:30ean.
Goizetan 10:30etik 14:30era eta arratsaldeetan 16:00etatik 19:30era irekiko dute museoa Aste Santuko egunetan, apirilaren 22an salbu, itxita egongo baita. Hilaren 23tik aurrera, honakoa izango da Azpeitiko museoaren ordutegia: asteartetik ostiralera 10:00etatik 13:30era eta 15:00etatik 18:30era; larunbatetan 10:30etik 14:00etara eta 16:00etik 19:30era; eta igande eta jaiegunetan 10:30etik 14:00etara.
Aste Santuaren ondoren, lurrun trenaren zerbitzu erregularra azaroaren 2ra arte izango da martxan larunbatero, eta irteerak 12:00etan eta 17:30ean izango dira; igande eta jaiegun guztietan, berriz, 12:00etan.
Apirilaren 27tik aurrera igandeetan eta jaiegunetan Sugina egun batez jarduera ere eskainiko dute museoan, lurrun trenean bidaiatzeko aukera ematen duen egitasmoa.