Igande honetan, Aberri Egunean, herriko balkoietan ikurriñak zintzilikatu ditzaten galdegin die Gure Eskuk herritarrei. Jakinarazi du, halaber, Orkatz tabernan salgai egongo direla ikurriñak, 5 euroren truk.
Gure Eskuk Herri libre bat dinamika martxan du iazko martxotik, eta horren baitan egin du iganderako deialdia. Subiranotasunaren auzia agenda politikoaren erdigunean jartzea da, batik bat, dinamikaren asmo nagusia, eta hala egin asmo dute Aberri Egunean ere. "Euskaldunok gure etorkizuna bertan erabakitzeko eskubidea dugu eta herri libre baten aldarrikapena egiten dugu", adierazi du Gure Eskuk.