Etxean kontsumitzeko, hondakinak kudeatzeko edota berrerabiltzeko ohituretatik abiatuta aztarna ekologikoa nola murriztu ikasteko aukera izango dute datorren igandean, apirilak 27, Azpeitiko Ekoetxean egingo duten ekintzan parte hartuko duten familiek; ikasteko, eta jolasteko, edo jolasen bidez ikasteko, Ekoetxean familiei zuzenduta antolatzen dituzten esperientzia gehienetan bezala.
11:00etatik 12:30era bitartean egingo dute, ele bitan, Etxeko familiak: gutxiago gehiago da ekintza, Doakoa da, baina parte hartzeko izena eman behar da aurretik, eta horretarako aukera dago oraindik Ekoetxea.eus webgunean.