Bihar, hileko azken asteazkenarekin, egingo dute apirileko bigarren odol ateraldia Elizkaleko Bizi Berri eraikinaren beheko solairuko lokalean. Ohi bezala, 16:30etik 20:30era ariko dira han odola ateratzen Gipuzkoako Odol Emaileen Elkartekoak.
Odola eman nahi duten herritarrek aurrez txanda hartu beharko dute ezinbestean. Horretarako bi aukera daude: Gotatanta.eus webgunearen bidez edo 943-00 78 84 telefono zenbakira deituta. Erreserba faltarik egon ez dadin, baldintzak betetzen dituen herritar oro odola ematera deitu dute Gipuzkoako Odol Emaileen Elkarteko Azpeitiko ordezkaritzako boluntarioek.