Ekindar kooperatibaren eta Ikasberri ikastolaren dagozkien zerga hobariak aztertuko dituzte Azpeitiko udal hautetsiek datorren astearteko ohiko udalbatzarrean. 19:00etan hasiko dute bilkura, udaletxeko batzar aretoan.
Hona hemen udalbatzarrean landuko duten gaien zerrenda:
1. Udalbatzak 2025eko apirilaren 8an egindako akta onartzea.
2. 2026. ekitaldirako jaiegunaren proposamena.
3. Azpeitiko Ekindar S.Coop-ek ibilgailu elektrikoentzako kargagailuak jartzeko proiektuaren baitan eskatutako hirigintza-lizentziei dagokien Eraikuntza Instalazio eta Obren gaineko Zergaren hobaria ematea.
4. Azpeitiko Ikasberri S.Coop-ek ikastolako aisialdi-eremuaren estaldura partziala egiteko proiektuaren baitan eskatutako hirigintza-lizentziari dagokion Eraikuntza, Instalazio eta Obren gaineko Zergaren hobaria ematea.
5. Azpeitiko Ikasberri S.Coop-ek ikastolako jangela eraberritzeko proiektuaren baitan eskatutako hirigintza-lizentziari dagokion Eraikuntza, Instalazio eta Obren gaineko Zergaren hobaria ematea.
6. Alkatetzak 2025eko martxoan emandako ebazpenen berri ematea.
7. Galdera eta erreguak.