Gaztetxoei zuzendutako ekintzekin hasi dute maiatza Azpeitiko Ekoetxean. Atzo, igandea, Mundua sendatzeko ipuinak saioa eskaini zuten goizean, 10:00etatik 12:00etara. Bertan bildutako haur eta gurasoei ingurumenaren garrantziaz jabetzeko narrazioak kontatu zizkien Kiribil doktoreak.
Hurrengo ekintza maiatzaren 16rako antolatu dute Ekoetxean. Plastikoekin hondakinak arte bihurtu izenburuko tailerra egingo dute, 17:00etatik 19:00etara. Izen ematea doan da, baina aurrez izena eman behar da honako loturan.