Gipuzkoa Buru Batzarreko kideak erakundearen egoitzatik kanpo bilerak egiten ari dira, tokian tokiko errealitateak eta erronkak ezagutzeko. Apirilean abiatu zuten dinamika ibiltaria, Tolosan egindako bilerarekin, eta Azpeitian egin dute bigarren geldialdia.
Hala, EAJko Gipuzkoako buruzagiak Azpeitiko ordezkari jeltzaleekin bildu ziren asteazkenean, herriko "erronkak gertutik ezagutzeko", sare sozialetan zehaztu dutenez.