Datorren igandean, maiatzaren 25ean, Gipuzkoako IV. Erroten Eguna ospatuko da. Egun horrekin bat eginez, Loiolako Igarako errotan talo tailerrak eta bisita gidatuak antolatu ditu Azpeitiko Udalak. Bi saio izango dira: bata 10:00etan hasita eta bestea 11:30ean.
Doan da parte hartzea, baina plazak mugatuak direnez, aurrez eman beharko da izena. Izena emateko hainbat modu jarri dituzte Internetez Ekoetxea.eus webgunean edota info.azpeitia@ekoetxea.eus helbidera mezu elektronikoa bidalita, eta bestela, 943-81 24 48 telefono zenbakira deituta.