Gaur arratsaldeko 16:00etatik eskuragarri dira Azpeitiko Udalak eta Bertan merkatari elkarteak kaleratutako 4.000 erosketa bonuak, eta horiek aurrez aurre erosi nahi zituzten herritarrek ilara luzea sortu dute Azoka Plazaren atarian. Bertako merkataritza, ostalaritza eta zerbitzu enpresa txikietako ekonomia sustatzea du helburu bi agenteek beste urte batez elkarlanean ondu duten Azpeitia Zaindu izeneko kanpainak.
Gaur salmentako lehen orduan joan da jende gehien erosketa bonuak erostera. Bihar, osteguna, ere jarriko dute Azoka Plazan bonuak erosteko aukera 09:30etik 13:00etara eta 15.30etik 17:00etara. Txartelak online ere eros daitezke azpeitiazaindu.eus webgunean.
Bonuen gaineko informazio gehiago, honako lotura honetan eskura daiteke.