Zuhaitz Gurrutxagaren bakarrizketa saioarekin alaitu zuten zapatua hainbat herritarrek. Elgoibarko umoregileak bere hirugarren bakarrizketa aurkeztu zuen Soreasu antzokian, Nortasun agiria.
Bizipen pertsonaletatik abiatuta, gai mingarriak eta gordinak umoretik aurkezten ditu Gurrutxagak bakarrizketa horretan: bikote harreman baten hausturak sortutako minaz, euskaldun ona izatera iristearen zailaz, edota nahasmendu obsesibo konpultsiboa pairatzeak sexu harremanetan eragin ditzakeen buruhausteez aritu zen Soreasun.
Kulturaz kooperatibaren artxibategi digitalean ikus daitezke bakarrizketa argazki gehiago.