Azpeitiko pilotariek Oiartzungo (Gipuzkoa) pilotariak izango dituzte aurkari bihar, ostiralez, Herriartekoen final laurdenetako joaneko partidetan. Izarraitz pilotalekuan jokatuko dituzte neurketak, 21:00etan hasita.
Bihar Azpeitiaren izenean jokatuko duten pilotariak honakoak izango dira: kadeteen mailan Ioritz Arsuagak eta Markel Mendizabalek (ordezkoa, Julen Larramendi); gazte mailan Iñigo Sarasuak eta Jokin Artetxek (ordezkoa, Mikel Iturralde); eta nagusietan, Iker Egiguren eta Urtzi Egiguren (Ordezkoa: Aimar Egiguren). Botillero Josu Uzkudunek jardungo du.
Final zortzirenetan, Alegia kanporatu zuten Ilunpe elkarteko pilotariek, 5-1 eginda. Joaneko partidak Alegian jokatu zituzten, eta han 1 eta 2 irabazi zuten Azpeitikoek: kadete mailako partidan, 16 eta 22 gailendu ziren Ilunpeko Arsuaga eta Mendizabal; gazte mailako partidan, 6 eta 22 irabazi zuen Iturralde eta Artetxe bikoteak; eta nagusien mailako partidan, 22 eta 13 galdu zuen Egiguren-Egiguren bikoteak.
Itzulerako partidak Izarraitz frontoian jokatu zituzten, eta Azpeitikoek hiru partidetan gailendu ziren: kadeteetan, 22 eta 5 irabazi zuten Mendizabalek eta Arsuagak; gazteen mailan, 22 eta 8 nagusitu ziren Artetxe eta Iturralde; eta azkenik, nagusietan, Egigurenek eta Larrañagak 22 eta 5 irabazi zuten.
Gaur banakako jardunaldia
Bestalde, gaur osteguna, eskuz banakako lau eta erdiko txapelketako partida jokatuko du Ilunpeko Azkuek Oiarpeko Etxeberriaren kontra, 20:15ean hasita, Izarraitz pilotalekuan.