Asteburuan Gipuzkoako atletismo txapelketako probak jokatu dira Donostiako Anoetako estadio txikian. Bi azpeitiarrek emaitza bikainak lortu dituzte. Izan ere, Julen Azpiazu La Blanca taldekoak 1.500 metrotako txapelketa irabazi du absolutuen mailan, 3:55.56 denbora eginda. Azpiazuk bere marka pertsonala ere hautsi du.
Naiara Tena Xeye taldeko azpeitiarrak ere podiuma egin du. Honel absolutuen mailako 400 metroko proban hirugarren egin du, 58.90 denbora eginda.