Jendaurrean Ehuntzeko Nazioarteko Eguna izango da ekainaren 12an, eta astebete lehenago, datorren ostiralean, ekainaren 6an, Kotoi mertzeriako kideek deituta, hainbat lagun plazan ariko dira puntua egiten.
Badira hiru bat urte Kotoiko kideak ekainaren 12aren bueltan puntua egiteko hitzordua gauzatzen hasi zirela. Aurreko bi urteetako juntadizoek harrera oso ona izan zuten, hainbat lagun elkartu baitziren hari matazen bueltan.