Baigera jubilatu eta pentsiodunen elkarteak uztailaren 12rako (larunbata) antolatu du Xoxoteko jubilatuen eguna. Irteera 10:00etan izango da Azpeitiko plazan, eta behin mendira igotakoan, hamaiketakoa egingo dute Xoxoteko aterpetxean. Ondoren, 11:30ean, meza izango dute bertan. Urtero moduan, animaziorik ez dela faltako esan dute antolatzaileek: "Izango dira bertsolariak, trikitilariak eta dantzariak".
Xoxoteko irteeran parte hartzeko izen ematea bihar, ekainak 10, zabalduko dute eta uztailaren 8ra bitartean egongo da horretarako aukera Baigera elkartean. Bi euro ordaindu beharko dira izen ematea.
Uztailaren 12an eguraldi txarra egingo balu, uztailaren 19ra atzeratuko lukete Xoxoteko irteera.