Amaitu da udako ikastaroetan izena emateko epea, eta, horrenbestez, haurren igeriketa ikastaro trinkoetan onartu dituztenen zerrenda dagoeneko ikusgai dago Azpeitiko Kirol Patronatuaren webgunean.
Udalak jakinarazi duenez, igeriketa ikastaroan izena emateko aukera dago oraindik ere, plaza libre batzuk geratzen baitira. Gainera, gutxieneko izen emate kopurura iritsi ez diren ikastaroetan izena eman dutenek harrerara jo dezakete, informazioa eskatzeko eta dauden aukeren inguruko zalantzak argitzeko.
Erakundeak aurreratu du gainontzeko ikastaroetako izen emateen zerrendak datorren astean argitaratuko dituela.