Txiki Txoko eta Iturritxiki ludotekek haurrei zuzendutako ekitaldi ugari prestatu dituzte aste honetarako, Xalto Xaltuek! egitasmoaren barruan. Gaur hasi dituzte ekintza horiek, Jose Antonio Agirre plazan bota duten txupinazoarekin, eta datozen egunetan ere izango dute zer egin herriko txikienek.
Hain zuzen ere, bingoaz, jolasez nahiz herriko pailazoen ikuskizunaz gozatu ahal izango dute horiek osteguna bitartean. Ekitaldi guztiak Jose Antonio Agirre plazan gauzatuko dituzte, eta horietan parte hartzeko ez da aurrez ludoteketako zerbitzuan izena emanda egon beharko.
(Argazkiak: Maialen Etxaniz)
Honako hau da aurtengo Xalto Xaltuek! egitasmoko egitaraua:
Bihar, asteartea
- 17:30-19:00. Bingoa.
Etzi, asteazkena
- 17:30-19:00. Haurrentzako jolasak (zirku txokoa, mural margoketa, xaboi burbuilak egiteko tailerra...).
Ekainak 12, osteguna
- 17:30-18:30. Herriko pailazoen ikuskizuna.