Etxeko saskibaloi taldea gidatzen jarraituko du beste denboraldi batez Luis Agirre Katxi entrenatzaile azpeitiarrak, hain zuzen ere LF Challenge mailako Domusa Teknik ISB zuzenduko du 2025-2026 denboraldian ere.
Agirrek 2023an hartu zuen Iraurgi saskibaloi klubeko emakumeen lehen taldea zuzentzeko ardura, Joseba Lizarralde Rubio-ren lekukoa hartuta. 2023-2024 denboraldian egindako lanari esker, Domusa Teknik ISBk LF Challenge ligara igotzea lortu zuen, eta bukatu berri den sasoian maila oso ona erakutsi du taldeak emaitza bikainak lortuz.
2018-2019ko denboraldian ere Iraurgi emakumeen lehen taldearen entrenatzailea izan zen Agirre, eta aurretik Iraurgiren harrobiko hainbat talde entrenatu zituen.