Sanjoanak direla eta, bihar, larunbata, eta astelehenean, autobus zerbitzu berezia jarriko dute martxan Azpeititik Urrestillara joateko. Bihartik iganderako eta astelehenetik astearteko gauean, berriz, Azpeitira itzultzeko autobusak egongo dira.
Bihar, 20:40ko lineako autobusaz gain, 22:30ean autobusa abiatuko da Azpeititik. Egun horretan, 21:00etan hasita, kontzertuak eskainiko dituzte Ostarte eta Ezpika taldeek nahiz DJ Kanpaxek. Itzulerako autobusak, berriz, 01:30ean, 03:30ean eta 06:00etan abiatuk dira Urrestillatik.
San Joan bezperan zuhaitza sartu eta suaren bueltan dantza egingo dute Urrestillan; bada, festetako egun handiaz gozatu nahi dutenek, 19:15ean nahiz 20:40ean izango dute Azpeititik autobusez joateko aukera. Bueltako autobusak, halaber, 03:30ean eta 06:30ean izango dira.